Тажде потом, по исцлении от ранъ и по великих тх побоех, не лишился б лихаго своего обычая перваго, ни смирился, ни укротился, но паче на горшее совращаяся, и горшее давнаго и пущи прежняго бысть лют разбоиникъ. Потом же присташа и приложишася к нему уноши немилостивии, мужие суровии и злии человци, подобници ему, таковии же разбоиници и хищници, и умножишася зло. И егда их бысть числомъ яко сто, и нарекоша его над собою старишину разбоиникомъ, а егда бысть ихъ числомъ яко и до 1000, тогда уже княземъ его зваху, а егда их бол умножишася паче числомъ, и многи земли поплени, и многы грады и страны и царства поималъ, тогда уже царя его у себе именоваху.

Сии же Темирь Аксакъ нача многи рати творити и многы брани въздвиже, многы сча показа, многы побды учини, многымъ полкомъ съпротивнымъ одол, многы грады раскопа, многи люди погуби, многы страны и земли повоева, многы области и языки поплени, многи княжениа и царства покори под себе. И царя Турьска Крещия полонилъ и царство за ся взя. А се имена тмъ землямъ и царствомь, еже попленил Темирь Аксак: Чагадаи, Хорусании, Голустани, Китаи, Синяя Орда, Ширазъ, Испаган, Орначь, ГиненСиз, Шибренъ, Шамахии, Савас, Арзунумъ, Тевризи, Тефлизи, Гурзустании, Обезии, Гурзии, Багдатъ, Темирь Кабы, рекше Желзныя врата, и Асурию, и Вавилоньское царство, ид же был Навходонасаръ, иже пленилъ Ерусалимъ и три отрокы, Ананию, Азария, Мисаила, и Данила пророка, и Севастю град, ид же было мучение святых мученикъ 40, иже в Севастии, и Арменю, ид же был святыи Григореи, епископъ великия Арменя, Дамаскъ великыи и Сараи великыи. Сия имена тмъ землямъ и тмъ градомъ, и тмъ царствомъ, над ними же царствова Темирь Аксакъ. Съ всхъ с тх земль дань и оброкы дають ему и [во] всемъ ему повинующися. Он же на многи брани хожаше, а они [165] с нимъ и воюющи, и пленяше многи земли. Они же во всемъ повинующися ему и покоршеся, и служаше ему, и хожаше с нимъ, и всюд волю его творяще. И царя Крещия Турскаго въ клтц желзн [166] вожаше с собою того ради, да аще бы видли мъноги земли таковую его силу и славу безбожнаго врага и гонителя.

Прииде ратию преже на царя Тахтамыша, и бысть имъ бои на мст, нарицаеммъ Ординьскомъ, на кочевищи царя Тахтамыша, и прогна царя Тахтамыша. И оттол възгорся окаанныи и нача мыслити въ сердци своемъ ити на Русскую землю и попленити ея, аки преже сего, за грхи наша попустившу Богу, и поплени царь Батыи Русскую землю, а гордыи свирпыи царь Темирь Аксакъ то же помышляше, хощеть взяти Русскую землю.

И собра все вое свое и проиде всю Орду и всю землю Татарьскую, и приде близ предль Рязаньския земля, и взя град Елечь, и князя Елечьскаго изыма и многи люди помучи. И се слышавъ князь велики Василии Дмитреевичь и собравъ воя своя многи, и поиде с Москвы х Коломн, хот ити противу его въ стртение ему, и пришедъ ратию и ста на брез у реки у Оки. Темирю Аксаку же стоящу на единомъ мст 15 дни. Помышляше окаанныи, хот итьти на всю землю Русскую, аки вторыи Батыи, и разорити християньство.

Слышав же благоврныи и христолюбивыи великии князь Василеи Дмитреевичь, самодержець Русския земля, помышление оного безаконнаго и свирпаго и гордаго мучителя и губителя Аксакъ Темиря царя, како помышляеть на православную вру, боголюбивыи же великии князь Василеи Дмитреевичь руц на небо въздющи, съ слезами моляхуся, глаголюще: «Създателю и заступниче нашь, Господи, Господи, призри от святого жилища Своего и вижь свирепаго варвара [167] и сущих с ними, дръзнувших хулити святое и великое имя Твое и Пречистыа всенепорочныя Твоея Матери, заступници нашея. Низложи его, заступниче нашь Господь, да не речеть: гд есть Богъ ихъ? Ты бо еси Богъ нашь, иже гордымъ противляяся. Стани, Господи, в помощь рабомъ Своимъ и на смиреныя Своя рабы призри. Не попусти, Господи, сему окаанному врагу нашему поносити [168] намъ, Твоя бо дръжава неприкладна и царство Твое нерушимо. Слыши словеса варвара сего и избави насъ и градъ нашь от окааннаго и безбожнаго и зловернаго царя Темирь Аксака».

Князь же великии Василеи Дмитреевичь посла весть къ отцу своему боголюбивому архиепископу Киприяну, митрополиту Киевьскому и всея Руси, чтобы народу повелелъ прияти постъ и молитву, съ усердиемъ и съ слезами Бога призывати. Преосвященныи же Киприянъ митрополитъ Киевъскии всеа Руси, слышавъ такую речь от сына своего великаго князя Василья Дмитреевича, и призва к собе вся архимандриты и игумении, и попове, и весь чинь священьскыи и повеле пети по всему граду молебны, а дети своя духовныя повеле имъ наказати, дабы прияли постъ и молитвы, и покаяние съ усръдиемъ от всея душа своея. Самь же пресвященныи Киприянъ митрополитъ тако же и по вся дни призывая к собе благоверныя князи и благочестивыя княгини, и вся властели и воеводы, и по вся часы наказая ихъ и учаше. Самь же Киприянъ митрополитъ по вся дни и часы от церквы не отступая, принося молбы Богу за князя и за люди. Тако [169] же повеле князь наместникомъ своимъ и властелем, и воеводамъ граднымъ укрепити осаду и събрати воя вся. Они же, слышавъ повеление господина своего, събраша людии вси [170] въ град и укрепиша осаду.

Благоверныи же великии князь Василеи Дмитреевичь, помянувъ избавление Царствующаго града, како избави Пречистаа Владычица наша Богородица Царствующии град от нашествия зловернаго и безбожнаго царя Хозъдроя, помянувъ послати по икону Пречистыа Владычици нашея Богородици. И призвавъ к собе князеи [171] своих и бояръ и рече имъ: «Хощу послати въ град в Володимерь по икону Пречистыа Владычици нашеа Богородици, Та бо можеть преложити печаль нашу на радость и можеть заступити нас и град нашь Москву от нахожениа иноплеменных, от нападениа вражия, от нашествиа ратных и от межуусобныя брани, и от кровопролития всякого, от мирьския печали, от напрасныя смерти, от всякого зла, находяща на ны». Помысливъ же сие благоверныи великии князь Василии Дмитреевичь, и посла въскоре къ отцу своему боголюбивому Киприяну, митрополиту Киевьскому и всеа Руси, и поведа ему все свое помышление, повеле ему послати въ славныи въ град Володимерь по икону Пресвятыа Владычици нашия Богородици. Боголюбивыи же Киприянъ митрополитъ, архиепископъ Киевьскии всея Руси, слышавъ такую речь от сына своего великаго князя Василья Дмитреевичя, и посла въ старыи въ славныи град Володимерь по икону Пречистыа [172] Владычица нашеа Богородици.

Клирики [173] же великия [174] зборныя церкви Святыа Богородици, иже в Володимери, протопопъ свщася с крилошаны, и Пречистую чюдную икону взяша и понесоша и от града Владимеря на Москву, страха ради Темирь Аксакова татарьска, его же иногда въ повестех слышахом далече суща под востокы солнечными, нын же близъ, яко при дверех, приближился есть и готовиться, поощьряется, вооружаеться на ны зло. И бысть тогда мсяца августа въ 15 день, в самыи праздникъ честнаго Успения и преславнаго преставления Пречистыа Владычици нашия Богородици и приснодвы Марии, събрася весь град Володимерь, изыдоша на провожение чюдныя тоя и честныя иконы, яже проводиша честно, врою и любовию, страхомъ и желанием, съ плачемъ и съ слезами, далече шествующе, от великия вры и многыя любви многи слезы излияша.

Егда же принесена бысть икона сии близъ града Москвы, и тогда весь градъ изыде противу иконы на стртение ея. И стртоша ю честно Киприянъ митрополитъ съ епископы и архимандриты, съ игумены и дияконы, съ всмъ клиросом [175] и причтомъ церковнымь, с черьноризци и съ черницами, съ благоврными князи и съ благоврными княгинями, и съ боляры и съ болярынями, мужи же и жены, уноша и двы, и старци съ унотами, дти и младенци, сироты и вдовици, нищии и убозии, и всякъ възрасть мужьска полу и женьска, от мала и до велика, все много множьство бесчисленое народа людеи, съ кресты и съ иконами, съ еуангелии и свщами, и с кандилы, и съ псалмы и псньми и пнии духъвными, паче же рещи вси съ слезами, малии и велиции, иже не обрсти человка не плачющися, нъ вси съ молитвою [176] и плачемъ, и вси съ воздыхании немлъчными и рыданиемъ и благодарениемъ руц въздюще на высоту, вси моляхуся къ Святи Богородици, вопиюще и глаголюще: «О Всесвятаа Владычице Богородице, избави град нашь Москву от нахожения поганаго Темирь Аксака царя, и всякъ град християньскии и страну нашу защити, и князя и люди, и от всякого зла, заступи град нашъ Москву от нахожения ратных иноплеменных, и избави плененныя наши [177] от поганых, от огня и меча и напрасныя смерти, и от нынешныа от объдерьжащия скорби, и от печали, нашедшия нын на нас, от настоящаго гнва и бдъ и нужди, от предлежащих сих искушении избави, Богородице, Своими богоприятными молитвами къ Сыну Своему и Богу нашему, Своимъ пришествиемъ еже к намъ, к нищимъ и убогимъ, и скорбящимъ, и печалующимъ, умилосердися, Госпоже, на скорбящия рабы Твоя, и на Тя надющися не погыбнемъ, нъ избудемъ Тобою от врагъ наших. Не предаи же насъ, заступнице наша и надежа наша, въ руц врагомъ татаромъ, нъ избави насъ от врагъ наших, и противных съвты разори и козни их раздруши, въ время се скорби нашея ныншняя, нашедши на ны, буди теплая заступнице и скораа помощнице и предстателнице, да от ныншняя бых бды Тобою избавльшися, благодарно взопиемъ: Радуися, заступнице наша непостыднаа».