Множества же тогда различными недугы исцление прияша. Творят же многоцелебныя мощи его много чюдесъ, даже и до сего дне с врою приходящимъ, их же не суть мощи сказати, ли писанию предати, но едина сия вкратце дерзну исповедати вашея любви. Обычаи имяху люди того богоспасаемаго града Твери, егда кто в скорбхъ и в болезнехъ, или нищетою кто обьятъ, или в беде, или в недузе, ли мучимъ будет кто духомъ нечистимъ и прочее, реку, вся случьшаяся скорбная коего любо постигнетъ, тогда с верою теплою притецаху в дом Пречистые Богородицы и преподобныхъ отецъ Антония и Феодосия и святаго отца нашего великаго чюдотворца Арсения, и певше молебная, прилагается с врою к целебному гробу преподобнаго отца нашего Арсения, прощения и помощи просяще. Тогда молитвами его вскоре от бедъ избавляются, и от скорби разрешаются, и исцеление приимаютъ, благословение получаютъ, и от духъ нечистых избавляются, овии убо тогда приимаютъ у гроба святаго исцеление и избавление, и радостию в домы здрави отходятъ. И еще реку, аще кто в дому своемъ или на пути в молитв своеи въ помощъ призоветъ святаго с врою, и тогда скорыи послушникъ милостивне присещаетъ и от бедъ избавляетъ от всхъ случьшихся ему. Тако бо Богъ прослави преподобнаго, тацеми дары веньчалъ есть великаго чюдотворца отца нашего Арсения.

Духовная убо [к] [471] духовнымъ прилагати подобаетъ, яко же глаголетъ писание, святыхъ же чюдеса проповдати повелваетъ. Подробну же сказати невозможно: аще ли песка качество могли быхомъ счислити и звездное множество исчести, святыми же истекаемаго чюдесъ источника исповедати несть возможно. А еже оставити без проповдания бдну, о семъ убо мноземъ прочитающеи ползу приемлетъ, и сихъ житию поревновати желающы, помалу подобитися хотящу. Толико бо воздаяние святии приемлютъ противу трудолюбнаго и правоврнаго ихъ жития, яко [во] [472] всеи вселенни тхъ чюдеса на языц обносити. И самемъ царемъ удивитися, втиям же, риторская [словеса] [473] разумевающимъ, устне дланию закрывати. Не токмо дивно иже древле от святыхъ чюдесмъ источникомъ изливаемомъ, но в последняя сия времена, егда же коньчина седмаго вка приходить, осмыи же наставши, но и тогда у гроба святаго точатся безпрестани чюдеса с врою приходящым к нему. И о семъ убо ныне слово изъявимъ и на свешнице вашея любви возлагаемъ.

Въ лета 7074–го, при благочестивом царе и господаре и великомъ князе Иванне Васильевиче всея Русии и при его богодарованныхъ царевичехъ, царевиче князе Иванне Ивановиче и царевиче князе Феодоре Ивановиче, царе государе всея Руси самодержце, и при святеишемъ митрополите Афонасие Московьскомъ и всея Руси, и при священноепископе Акакии Тверском и Кашыньскомъ, и при игумене святаго мста того Мисаиле. Бысть нкии человкъ во Твере [474] именемъ Терентии, ремествомъ рыболовъ, имя велию вру к дому Пречистые Богородицы и ко святому чюдотворцу Арсению. Ненавидяи добра рода человча, старыи запинатель спасенному пути дияволъ хотящым спастися, вложы ему лукавыи бсъ в сердце неврие ко святому и разврати ему умъ помрачением бсовскимъ. И приведоша его [475] родители его в монастырь святаго, и Божиими судбами всемогущаго Бога, им же Самъ всть, Своимъ человколюбиемъ угодниковъ Своихъ прославляти, и абие внезапу нападе на него смерть и умре, и пребысть мертвъ человекъ тои пол третья дни во обители святаго. И абие приидоша родители его в монастырь ко святому на погребение мертваго и внесоша его во церковь Пречистые Богородицы, честнаго Ея Успения, иде же мощи лежатъ святаго чюдотворца Арсения. И начаша плакати и рыдати, припадая ко гробу святаго, и глаголаше со укоризною ко святому: «О святче Божии! Мы надяхомся от теб милость Божию прияти и болному сему молитвами твоими здравие обрести, ты же вместо милости и здравия смерть наведе на человка сего. Добр бы наю в дому человекъ тои умеръ, неже во твоеи [476] обители, да не бы сердца наша по мрачилася невриемъ к теб, святче Божии».

Милосердыи же Богъ, не терпя зря Своего угодника укаряема и поношаема от неразумныхъ человекъ, и абие вложы в мертваго человека душу. Священницы же и дияконы начаша молебная пети у гроба святаго приходящымъ людемъ, и егда начаша еуангелие чести на молебне святому, и абие воста мертвыи молитвами святаго, плача и рыдая велми. И абие припаде ко гробу святаго и приложися к образу его, и бысть весь здравъ. И от того часа человкъ тои, какъ воскресе от мертвыхъ, отнюд смущена пития, сииречь хмелнаго во уста своя не впущаше, и по сяковъ часъ молитвами святаго укрепляемъ и от церкви Божии не отходяше, постом и молитвою молящеся Богу.

И промъчеся чюдо сие в весь богохранимыи град Тверь и окрестные веси, и до самого священнаго епископа Акакия Тверскаго. Епископъ же Акакии о семъ преславномъ величии Божии, бываемомъ святымъ угодникомъ Его, удивися преславному чюдеси и в радости велицеи наполнися слез, и повел звонити в тяжкая, и посла проповдники по всему граду, дабы шли ко святи соборнеи церкви боголпнаго Преображения Господа нашего Исус Христа. И собравшымся архимаритомъ и игуменомъ и всему священническому [477] и дияконьскому и иноческому чину, и всмъ христоименитымъ людемъ, мужемъ и женамъ. И поиде епископъ Акакии со кресты и з честными иконами и со всмъ освященнымъ соборомъ во обитель святаго Пречистые Богородицы, честнаго Ея Успения, и преподобныхъ отецъ Антония и Феодосия Печерскихъ, ид же мощи лежатъ великаго чюдотворца Арсения, духовно шествующа со псалмы и пньми и псньми духовными, молебная поюще, моляшеся Богу и Пречисти Богородицы. И пришед в монастырь святаго и повел привести пред собя того бывшаго человка мертва, именем Тереньтия, и нача его вопрашати передо всмъ священнымъ соборомъ, предъ христоименитымъ народом. Онъ же вся о себ исповда истинна быти, яко же в семъ чюдеси напреди писанна. И епископъ же Акакии о семъ преславномъ величии Божии прослави Бога и Пречистую Богородицу и великаго чюдотворца Арсения, и нача у чюдотворныхъ мощеи великаго чюдотворца Арсения молебны пти, и воду святивъ, и литургисавъ божественую литоргию, и поучивъ духовными словесы священныи соборъ и весь христоименитыи народъ, и учредивъ братию и милостыню давъ доволну, и отъиде во свою епископью, благодаряше Бога и Пречистую Богородицу и прославляюще великаго чюдотворца Арсения.

И Божиимъ изволением епископъ Акакии оттол почти святую обитель, Пречистую Богородицу, и на воспоминание чюдеси, по повелнию и по совту духовному благочестиваго царя государя и великаго князя Иванна Васильевича всея Русии самодержца и по благословению преосвященнаго митрополита Афонасия, учини архимаритию и постави архимарита именем Саватя, свята мужа духовна и благыхъ длъ исполнена. И паче священноепископъ Акакии велию вру держати ко Пречисти Богородицы и к великому чюдотворцу Арсению, и почиташе архимарита и братию обители тоя, и часто прихожаше во обитель Пречистые Богородицы и к чюдотворнымъ мощемъ великаго чюдотворца Арсения, и пв молебная, избра мсто себ в вчныи покои тлу своему во обители святаго, вн церкви, подл великаго чюдотворца Арьсения, об одну церковную стну. И по преставлении своемъ заповда и повел тло свое ту положити, яко же и бысть. Егда преставися священноепископъ Акакии, по заповди его и по повелнию положиша тело его во обители святаго в том месте, иде же и доныне лежатъ мощи его, благодатию Господнею хранимы.

Мн же смиренному иноку Феодосию повдаше про се великое чюдо тое же святые обители мниси, ноипаче самъ видехъ своима очима того бывшаго человека мертва и от него слышахъ своима ушима от устъ его сие великое чюдо. Слыша же сия преславная величия Божия, бываемая святым Его угодникомъ, и удивихся милости Божии, како прославляетъ святыхъ Своихъ. И убояхся суда Божия и осужение лениваго раба оного, сокрывшаго талантъ господина своего в земли и купли и прибытка не сотворше, моляся Богу и Пречистеи Богородицы и призывая на помощъ великаго чюдотворца Арсения, прося милости и разума Богомъ снабдима измождалому многыми грхы уму моему, и отпвъ молебная и приложихся к образу святаго во страс велиц со многыми слезами и рыданием многымъ, вземъ трость, прострохъ десницу свою гршную и написахъ сие великое чюдо слышащымъ и прочитающимъ на пользу душевъную хотящыхъ спасенымъ путемъ шествовати в животъ вчныи. Таже на предняя возвратимся.

Родители же его, видвше преславное сие чюдо, и начаша со слезами плакати и рыдати, во ужас велиц припадая ко гробу святаго о согрешении своем, прося прощения, еже согрешиша. И в радости велице начаша благодарити Бога и хвалу воздая Пречистеи Богородицы и великому чюдотворцу Арсению, и отъидоша в домы своя з бывшым мертвымъ человекомъ, славяще Святую Троицу, Отца и Сына и Святаго Духа.

Ино чюдо хощу вамъ, христолюбцы, повдати, иже содяшася у гроба святаго молитвами его во сто второмъ году.