Молитва ко Господу на всякую немощь

Владыко Вседержителю, Врачу душ и телес, смиряяй и возносяй, наказуяй и паки исцеляяй, брата нашего (имя) немощствующа посети милостию Твоею, простри мышцу Твою, исполнену исцеления и врачбы, и исцели его, возставляй от одра и немощи, запрети духу немощи, остави от него всяку язву, всяку болезнь, всяку рану, всяку огневицу и трясавицу. И аще есть в нем согрешение или беззаконие, ослаби, остави, прости, Твоего ради человеколюбия.

Архангелу Рафаилу

Имя Архангела Рафаила происходит от древнего еврейского слова « рафа », которое переводится как «исцелять». Этот архангел обладает силой избавлять от любых недугов как людей, так и животных.

О святый великий архангеле Рафаиле, Престолу Божию предстояй! Ты, благодатию от всемогущаго врача душ и телес наших тебе данною, праведнаго мужа Тoвита от слепоты телесныя исцелил еси, и сына его Товию, спутешествуя ему, от злого духа сохранил еси. Всеусердно молю тя, буди мне путеводитель в жизни моей, сохрани от всех видимых и невидимых враг, исцели душевныя и телесныя болезни моя, управи жизнь мою к покаянию во гресех и ко творению добрых дел. О святый великий Рафаиле архангеле! Услыши молящегося тебе и сподоби в здешней и будущей жизни благодарити и славити общаго Создателя нашего в бесконечные веки веков. Аминь!

Молитва Пантелеимону

Великомученик Пантелеимон – лекарь, живший в III в., исцелявший больных не только своим мастерством, но и христианской молитвой. Свою жизнь он посвятил помощи больным и нищим, и после мученической кончины святого по молитвам к нему множество людей получали избавление от недугов.

Святый великомучениче и целителю Пантелеимоне, Бога милостиваго подражателю! Призри благосердием и услыши нас, грешных, пред святою твоей иконою усердне молящихся. Испроси нам у Господа Бога, Ему же со Ангелы предстоиши на небеси, оставление грехов и прегрешений наших: исцели болезни душевныя же и телесныя рабов Божиих, ныне поминаемых, зде предстоящих и всех христиан православных, к твоему заступлению притекающих: cе бо мы, по грехом нашим люте одержимы есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь; даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная, яко да, сподобившися тобою великих и богатых милостей, прославим тя и Подателя всех благ, дивнаго во святых, Бога нашего, Отца и Сына и Святаго Духа. Аминь.

Святому и праведному Иоанну Кронштадтскому

Православный священник, настоятель Андреевского собора в Кронштадте, живший в XIX–XX вв. святой Иоанн прославился как замечательный проповедник и духовный писатель. На протяжении всей своей жизни праведник спасал души своих духовных чад и всеми силами старался облегчить жизнь простым людям.

По традиции ему молятся об исцелении от любых скорбей и болезней.

О великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю!

Вознося славословие Триединому Богу, ты молитвенно взывал:

«Имя Тебе – Любовь: не отвергни меня заблуждающагося;

Имя Тебе – Сила: укрепи меня изнемогающаго и падающаго;

Имя Тебе – Свет: просвети душу мою, омраченную житейскими страстями;

Имя Тебе – Мир: умири мятущуюся душу мою.

Имя Тебе – Милость: не переставай миловать меня».

Ныне благодарная твоему предстательству всероссийская паства молится тебе:

Христоименитый и праведный угодниче Божий!

Любовию твоею озари нас, грешных и немощных, сподоби нас принести достойные плоды покаяния и неосужденно причащатися Святых Христовых Таин;

cилою твоею веру в нас укрепи, в молитве поддержи, недуги и болезни исцели, от напастей, врагов видимых и невидимых избави;

cветом лика твоего служителей и предстоятелей Aлтаря Христова на святые подвиги пастырскаго делания подвигни, младенцам воспитание даруй, юность настави, старость поддержи, святыни храмов и святые обители озари;

умири, чудотворче и провидче преизряднейший, народы страны нашея, благодатию и даром Святаго Духа избави от междоусобныя брани, расточенныя собери, прелыщенныя обрати и совокупи Святей Соборной и Апостольской Церкви;

Милостию твоею супружества в мире и единомыслии соблюди, монашествующим в делах благих преуспеяние и благословение даруй, малодушныя утеши, страждущих от духов нечистых свободи, в нуждах и обстояниях сущих помилуй и всех нас на путь спасения настави.

Во Христе живый, отче наш Иоанне!

Приведи нас к невечернему свету жизни вечныя, да сподобимся с тобою вечнаго блаженства, хваляще и превозносяще Бога во веки веков. Аминь.

Молитва о терпении болезней и несчастий Праведному Иову Многострадальному

Святому праведному Иову, жившему более чем за 1500 лет до Рождества Христова, молятся о ниспослании терпения в скорби и болезни. Испытывая веру его, Господь наслал на благочестивого старца множество бед. Но в страдании и болезни, лишившись всего своего состояния и детей, Иов продолжал славить Всевышнего.