Святые сестры Зинаида и Филонила родились в городе Тарсе Киликийской области Малой Азии (ныне Турция). Согласно преданию они приходились родственницами апостола Павла. Святые оставили свой дом и поселились в пещере близ города Димитриады и жили там в непрестанных молитвах и трудах. Они владели врачебным искусством и охотно лечили всех, кто обращался к ним за помощью, исцеляя их души обращением к Истинному Богу. Видя столь великую благодать в девах христиане укреплялись, а многие язычники обретали веру в Христа и крестились. За святую ревность о Господе проповедницы приняли мученический венец: идолопоклонники побили их камнями. Святым мученицам Зинаиде и Филониле молятся об исцелении всякой немощи душевной и телесной.

Тропарь мученице Зинаиде, глас 4

Агница Твоя, Иисусе, Зинаида зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную, приими мя, с любовию пожершуюся Тебе. Тоя молитвами, яко Милостив, спаси души наша.

Кондак, глас 2

Храм Твой всечестный, яко цельбу душевную обретше вси вернии, велегласно вопием ти дево мученице Зинаидо, Великоименитая! Христа Бога моли непрестанно о всех нас.

Тропарь мученице Филониле, глас 4

Агница Твоя, Иисусе, Филонила зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную, приими мя, с любовию пожершуюся Тебе. Тоя молитвами, яко Милостив, спаси души наша.

Тропарь мученицам Зинаиде и Филониле, глас 1

Агницы словесныя Агнцу и Пастырю, приведостеся мучением ко Христу, течение скончавше и веру соблюдше. Темже днесь радостною душею совершаем, досточуднии, святую вашу память, Христа величающе.

Величание

Величаем вас, святыя мученицы Зинаидо и Филонило, и чтим честная страдания ваша, яже за Христа, претерпели есте.

Молитва святой мученице Зинаиде

О, прехвальная мученице Христова Зинаидо, благонадежная наша пред Господем предстательнице. Тебе припадаем и молимся: даждь нам быть причастником любве твоея к Богу и ближнему – еюже при жизни святая твоя душа преисполнена бысть. Озари нас истинною, просвети ум и сердце светом Божественнаго учения, научи нас тебе подражати верно, Бога и ближнего нашего любити и заповеди Господа совершати непогрешительно, да чада света явимся воистину. Призри благоутробно на всякую душу верных твоих почитателей, милости и помощи твоея ищущих. Буди всем нам в болезнех целительница, в скорбех утешительница, в печалех посетительница, в бедах и нуждах помощница, в час же смертный милостивая покровительница и защитительница и всем вся прошения ко благу исполни. Да при помощи молитв твоих даждь нам спасение вечное получити и Царствие Христово унаследовати, славяще дивнаго во святых своих Бога Отца и Сына и Святаго Духа во веки веков. Аминь.

Родители святой великомученицы Параскевы жили в III веке, они особенно чтили пятницу – тот день в неделе, в который пострадал Господь наш Иисус Христос, и потому свою дочь назвали Параскевой, что означает «Пятница». Девушка вела благочестивую жизнь, и когда начались гонения на христиан, была подвергнута истязаниям. Ее повесили на дереве и терзали тело железными гвоздями, а потом изъязвленную до костей и едва живую бросили в темницу. Бог не оставил святую страдалицу и чудесно исцелил ее. Мучители не вразумились этим чудом, Параскеву повесили на дереве и жгли факелами. Затем ей отсекли голову. От мощей великомученицы подавались исцеления болящим. Святая Параскева считается целительницей душевных и телесных недугов.

Тропарь мученице Параскеве Пятнице, глас 4

Премудрая и всехвальная Христова мученица Параскева, мужескую крепость приемши, женскую же немощь отвергши, диавола победи, и мучителя посрами, вопиющи и глаголющи: приидите, тело мое мечем ссецыте, и огнем сожгите, аз бо радующися иду ко Христу, Жениху моему. Тоя молитвами, Христе Боже, спаси души наша.

Кондак, глас 3

Всесвятое и непорочное мучение принесши, яко вено пречестное Безсмертному Жениху Христу, ангельское ликостояние возвеселила еси, и победила еси демонския козни: сего ради тя честно верою чтим, мученице Параскево, многострадальная.

Величание

Величаем тя, страстотерпице Христова Параскево, и чтим честное страдание твое, еже за Христа претерпела еси.

Молитва

О святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися; моли Всемилостиваго, иже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение.

О великая угодница Божия! О мужественнейшая дево! О крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощны есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствоваши, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца, и Сына, и Святаго Духа, ныне и присно и во веки веков. Аминь.