Боже, очисти мя гр'eшнаго, яко николиже сотворих благое пред Тобою, но избави мя от лукаваго, и да будет во мне воля Твоя; да неосужд'eнно отв'eрзу уста моя недостойная и восхвалю имя Тво'e святое, Отца и Сына и Святаго Духа, ныне и присно и во в'eки веков. Аминь.

От сна востав, полунощную песнь приношу Ти, Спасе, и припадая вопию Ти: не даждь ми уснути во греховней см'eрти, но ущ'eдри мя, распныйся волею, и лежащаго мя в л'eности ускорив возстави, и спаси мя в предстоянии и молитве; и по сне нощн'eм возсияй ми день безгр'eшен, Христ'e Боже, и спаси мя.

К Теб'e, Владыко Человеколюбче, от сна востав прибегаю, и на дела Твоя подвизаюся милос'eрдием Твоим, и молюся Теб'e: помози ми на всякое вр'eмя, во всякой в'eщи, и избави мя от всякия мирския злыя в'eщи и диавольскаго поспеш'eния, и спаси мя, и введи в Царство Тво'e в'eчное. Ты бо еси мой Сотворитель и всякому благу Промысленник и Податель, о Теб'e же все упование мо'e, и Теб'e славу возсылаю, ныне и присно и во в'eки веков. Аминь.

Господи, Иже многою Тво'eю благостию и великими щедротами Твоими дал еси мне, рабу Твоему, мимош'eдшее вр'eмя нощи сея без напасти прейти от всякаго зла противна; Ты Сам, Владыко, всяческих Творче, сподоби мя истинным Твоим св'eтом и просвещ'eнным с'eрдцем творити волю Твою, ныне и присно и во в'eки веков. Аминь.

Господи Вседержителю, Боже сил и всякия плоти, в вышних живый и на смир'eнныя призираяй, сердца же и утробы испытуяй и сокров'eнная челов'eков яве предв'eдый, Безначальный и Присносущный Св'eте, у Него же несть премен'eния, или прелож'eния осен'eние; Сам, Безсм'eртный Царю, приими мол'eния наша, яже в настоящее вр'eмя, на множество Твоих щедрот дерзающе, от скв'eрных к Теб'e уст'eн творим, и остави нам прегреш'eния наша, яже д'eлом, и словом, и мыслию, в'eдением или нев'eдением согреш'eнная нами; и очисти ны от всякия скв'eрны плоти и духа. И даруй нам бодренным с'eрдцем и тр'eзвенною мыслию всю настоящаго жития нощь прейти, ожидающим приш'eствия св'eтлаго и явл'eннаго дне Единороднаго Твоего Сына, Господа и Бога и Спаса нашего Иисуса Христа, воньже со славою Судия всех приидет, комуждо отдати по делом его; да не падше и обленившеся, но бодрствующе и воздвижени в д'eлание обрящемся готови, в радость и Бож'eственный чертог славы Его совнидем, ид'eже празднующих глас непрестанный, и неизреч'eнная сладость зрящих Твоего лица доброту неизреч'eнную. Ты бо еси истинный Свет, просвещаяй и освящаяй всяческая, и Тя по'eт вся тварь во в'eки веков. Аминь.

Тя благословим, вышний Боже и Господи милости, творящаго присно с нами великая же и 10 Молитвослов для готовящихся к Исповеди и Причастию неизсл'eдованная, славная же и ужасная, ихже несть числа, подавшаго нам сон во упоко'eние н'eмощи нашея, и ослабл'eние трудов многотрудныя плоти. Благодарим Тя, яко не погубил еси нас со беззаконьми нашими, но человеколюбствовал еси обычно, и в нечаянии лежащия ны воздвигл еси, во 'eже славословити державу Твою. Т'eмже молим безм'eрную Твою благость, просвети наша мысли, очеса, и ум наш от тяжкаго сна л'eности возстави: отв'eрзи наша уста, и исполни я Твоего хвал'eния, яко да возможем непокол'eблемо п'eти же и испов'eдатися Теб'e, во всех и от всех славимому Богу, Безначальному Отцу, со Единородным Твоим Сыном, и Всесвятым и Благим и Животворящим Твоим Духом, ныне и присно и во в'eки веков. Аминь.

Воспеваю благодать Твою, Владычице, молю Тя, ум мой облагодати. Ступати право мя настави, путю Христовых заповедей. Бд'eти к п'eсни укрепи, уныния сон отгоняющи. Связана пленицами грехопад'eний, мольбами Твоими разреши, Богонев'eсто. В нощи мя и во дни сохраняй, борющих враг избавляющи мя. Жизнодателя Бога рождшая, умерщвл'eна мя страстьми оживи. Яже Свет невеч'eрний рождшая, душу мою осл'eпшую просвети. О дивная Владычня палато, дом Духа Божественна мене сотвори. Врача рождшая, уврачуй души моея многол'eтныя страсти. Волнующася жит'eйскою бурею, ко стези мя покаяния направи. Избави мя огня в'eчнующаго, и ч'eрвия же злаго, и тартара. Да мя не явиши бесом радование, иже многим грехом повинника. Нова сотвори мя, обетшавшаго нечувственными, Пренепорочная, согреш'eнии. Странна муки всякия покажи мя, и всех Владыку умоли. Неб'eсная ми улучити вес'eлия со вс'eми святыми сподоби. Пресвятая Д'eво, услыши глас непотр'eбнаго раба Твоего. Струю давай мне слезам, Пречистая, души моея скв'eрну очищающи. Стенания от с'eрдца приношу Ти непрестанно, ус'eрдствуй, Владычице. Мол'eбную службу мою приими, и Богу благоутробному принеси. Превышшая Ангел, мирскаго мя превышша слития сотвори. Светоносная С'eне неб'eсная, духовную благодать во мне направи. Руце возд'eю и устн'e к похвал'eнию, оскверн'eны скв'eрною, Всенепорочная. Душетл'eнных мя пакостей избави, Христа прил'eжно умоляющи; Емуже честь и поклон'eние подобает, ныне и присно и во в'eки веков. Аминь.

Многомилостиве и Всемилостиве Боже мой, Господи Иисусе Христ'e, многия ради любв'e сшел и воплотился еси, яко да спас'eши всех. И паки, Спасе, спаси мя по благодати, молю Тя; аще бо от дел спас'eши мя, несть се благодать и дар, но дoлг паче. Ей, многий в щедротах и неизреч'eнный в милости! В'eруяй бо в Мя, рекл еси, о Христ'e мой, жив будет и не узрит см'eрти во в'eки. Аще убо в'eра, яже в Тя, спасает отчаянныя, се в'eрую, спаси мя, яко Бог мой еси Ты и Создатель. В'eра же вм'eсто дел да вменится мне, Боже мой, не обрящеши бо дел отнюд оправдающих мя. Но та в'eра моя да довл'eет вм'eсто всех, та да отвещает, та да оправдит мя, та да покажет мя причастника славы Твоея в'eчныя. Да не убо похитит мя сатана, и похвалится, Слове, 'eже отторгнути мя от Тво'eя руки и ограды; но или хощу, спаси мя, или не хощу, Христе Спасе мой, предвари скоро, скоро погибох: Ты бо еси Бог мой от чр'eва матере моея. Сподоби мя, Господи, ныне возлюбити Тя, якоже возлюбих иногда той самый грех, и паки поработати Теб'e без л'eности тощно, якоже поработах пр'eжде сатан'e льстивому. Наипаче же поработаю Теб'e, Господу и Богу моему Иисусу Христу, во вся дни живота моего, ныне и присно и во в'eки веков. Аминь.

Святый Ангеле, предстояй окаянней мо'eй души и страстней мо'eй жизни, не остави мен'e гр'eшнаго, ниж'e отступи от мен'e за невоздержание мо'e. Не даждь м'eста лукавому д'eмону обладати мною, насильством см'eртнаго сего телес'e; укрепи б'eдствующую и худую мою руку и настави мя на путь спас'eния. Ей, святый Ангеле Божий, хранителю и покровителю окаянныя моея души и т'eла, вся мне прости, еликими тя оскорбих во вся дни живота моего, и аще что согреших в преш'eдшую нощь сию, покрый мя в настоящий день, и сохрани мя от всякаго искуш'eния противнаго, да ни в коем грес'e прогн'eваю Бога, и молися за мя ко Господу, да утвердит мя в страсе Сво'eм, и достойна покажет мя раба Своея благости. Аминь.

Пресвятая Владычице моя Богородице, святыми Твоими и всесильными мольбами отжени от мен'e, смир'eннаго и окаяннаго раба Твоего, уныние, забв'eние, неразумие, нерад'eние, и вся скв'eрная, лукавая и хульная помышл'eния от окаяннаго моего с'eрдца и от помрач'eннаго ума моего; и погаси пламень страст'eй моих, яко нищ есмь и окаянен. И избави мя от многих и лютых воспоминаний и предприятий, и от всех действ злых свободи мя. Яко благослов'eнна еси от всех родов, и славится пречестное имя Тво'e во в'eки веков. Аминь.