Будущему солдату прежде всего необходимо сходить в церковь, исповедаться и причаститься. Обязательно надо заказать молебен Иоанну-воину о здравии и сохранении солдата и присутствовать на нем самому.

Если будущий солдат не носил раньше нательного крестика, непременно купить освященный в церкви и носить всю службу не снимая, потому что нательный крест – это щит христиан.

Обязательно надо купить пояс с текстом 90-го псалма «Живый в помощи…» и молитвой Честному Кресту «Да воскреснет Бог.» Пояс носят на теле, под одеждой.

Родителям следует благословить своего сына на службу в армии, ежедневно молиться о его здравии и благополучии, в день рождения и в день именин сына заказывать в церкви молебен о его здравии.

Не лишним будет иметь солдату при себе и ладанку. Это – христианский оберег.

Будущему солдату следует выучить наизусть хотя бы одну молитву. С молитвами надо обращаться к угодникам Божиьм, покровителям православного воинства.

Вот эти молитвы.

Спаситель мой! Ты положил за нас душу Свою, дабы спасти нас; Ты заповедал и нам полагать души свои за други наша и за ближних наших. Радостно иду я исполнити святую волю Твою и положити жизнь свою за Царя и Отечество. Вооружи мя крепостию и мужеством на одоление врагов наших, и даруй ми умерети с твердою верою и надеждою вечной блаженной жизни во Царствии Твоем. Мати Божия! Сохрани мя под покровом Твоим. Аминь. Господи сил, с нами буди: иного бо разве Тебе помощника в скорбех не имамы. Господи сил, помилуй нас. Суди, Господи, обидящия нас, побори борющия нас. Приими оружие и щит и востани в помощь нашу. Всесвятая Богородице, во время живота моего не остави мене, человеческому предстательству не ввери мя, но Сама заступи и помилуй мя. Все упование мое на Тя возлагаю, Мати Божия, сохрани мя под кровом Твоим. Да воскреснет Бог, и расточатся врази Его, и да бежат от лица Его ненавидящий Его.

О святый Михаиле Архангеле, помилуй нас, грешных, требующих твоего заступления, сохрани нас, раб Божиих (имена), от всех видимых и невидимых враг, паче же подкрепи от ужаса смертнаго и от смущения диавольскаго и сподоби нас непостыдно предстати Создателю нашему в час Страшнаго и праведнаго Суда Его. А всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас тамо купно с тобою славити Отца и Сына и Святаго Духа во веки веков.

О, священная главо, преподобие и богоносне отче наш Сергие, молитвою твоею, и верою и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся и небесныя силы приобщивыйся, но и от нас духом любве твоея не отступивый, и честныя твоя мощи, яко сосуд благодати полный и преизливающийся, нам оставивый! Велие имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающия. Испроси нам от Великодаровитаго Бога нашего всякий дар, всем и ко-емуждо благопотребен: веры непорочны соблюдение, градов наших утверждение, мира умирение, от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делех благих преспеяние и благословение, младенцем воспитание, юным наставление, неведущим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блаженное упокоение, и вся ны споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: «Приидите, благословеннии Отца Моего, наследуйте уготованное вам Царствие от сложения мира». Аминь.

О святый благоверный княже Александре! Призри милостивно на ны, недостойныя рабы Божий (имена), и исходатайствуй нам житие тихое и безмятежное, и к вечному Царствию шествие неуклонное твоим предстательством устрой нам, да сохранит нас Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно и во веки веков.

О двоице священная, страстотерпцы Борисе и Глебе! Не забудите нас, раб Божиих (имена), но яко заступницы, вашим сильным ходатайством пред Христом Богом нас помилуйте; от нечистоты сохраните, от скорби, озлоблений и внезапныя смерти избавите. Испросите у Великодаровитаго Владыки нам оставление прегрешений наших, единомыслие и здравие. Снабдевайте заступлением вашим приход сей, дом (святый храм) сей и вся чтущия святую память вашу во веки веков.

О всехвальный, святый великомучениче и чудотворче Георгие!Призри на ны скорою твоею помощию и умоли Человеколюбца Бога, да не осудит нас, грешных раб Божиих (имена), по беззаконием нашим, но да сотворит с нами по велицей Своей милости; изряднее же да оградит нас святых Ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его, и неосужденным предстати Престолу Господа Славы. Услыши нас, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением, обрящем милость со Ангелы и Архангелы и всеми святыми одесную Правосуднаго Судии стати и Того непрестанно славити со Отцем и Святым Духом, ныне и присно и во веки веков.