Стена еси похваляющим, преблаженне, чудеса твоя и всем к заступлению твоему прибегающим; темже и нас, в добродетели убогих, от нищеты, напасти, недугов и нужд различных свобождай, вопиющих ти с любовию таковая:

Радуйся, от убожества вечнаго изымаяй.

Радуйся, богатство нетленное подаваяй.

Радуйся, брашно негиблющее алчущим правды.

Радуйся, питие неисчерпаемое жаждущим жизни.

Радуйся, от мятежа и брани соблюдаяй.

Радуйся, от уз и пленения свобождаяй.

Радуйся, преславный в бедах заступниче.

Радуйся, превеликий в напастех защитниче.

Радуйся, многих от погибели исхитивый.

Радуйся, безчисленных неврежденно сохранивый.

Радуйся, яко тобою лютыя смерти грешнии избегают.

Радуйся, яко тобою жизнь вечную кающиися получают.

Радуйся, Николае, великий Чудотворче.

Пение Пресвятей Троице паче иных принесл еси, преблаженне Николае, умом, словом и делом: многим бо испытанием правоверная повеления уяснил еси, верою, надеждою и любовию наставляя нас в Троице Единому Богу воспевати: Аллилуиа.

Светозарную лучу во мраце жития сущим неугасимую, видим тя, Богом избранне отче Николае: с невещественными бо ангельскими светы беседуеши о несозданном Троическом Свете, верных же души просвещаеши, вопиющих ти таковая:

Радуйся, озарение Трисолнечнаго света.

Радуйся, деннице незаходимаго солнца.

Радуйся, свеще, Божественным пламенем возжженная.

Радуйся, яко угасил еси бесовский пламень нечестия.

Радуйся, светлое правоверия проповедание.

Радуйся, доброзрачное света евангельскаго сияние.

Радуйся, молние, ереси пожигающая.

Радуйся, громе, устрашающий соблазняющия.

Радуйся, истиннаго научителю разума.

Радуйся, таинственнаго изъявителю ума.

Радуйся, яко тобою попрася поклонение твари.

Радуйся, яко тобою научихомся покланятися Творцу в Троице.

Радуйся, Николае, великий Чудотворче.

Благодать, данную ти от Бога сведущии, радующеся твою память празднуем по долгу, преславный отче Николае, и к чудному заступлению твоему вседушно притекаем; преславных же твоих деяний, яко песка морскаго и множества звезднаго исчести не могуще, недоумением объяти бывше, вопием к Богу: Аллилуиа.

Поюще твоя чудеса, восхваляем тя, всехвальне Николае: в тебе бо Бог, в Троице прославляемый, дивно прославися. Но аще и попремногу составленныя от души псалмы и песни приносим ти, Чудотворче святый, ничтоже творим равно дарованию чудес твоих, имже удивляющеся, вопием к тебе таковая:

Радуйся, Царя царствующих и Господа господствующих служителю.

Радуйся, служителей Его небесных сожителю.

Радуйся, людем верным поможение.

Радуйся, рода христианскаго возвышение.

Радуйся, победы тезоименитый.

Радуйся, венценосче нарочитый.

Радуйся, всех добродетелей зерцало.

Радуйся, всех притекающих к тебе крепкое забрало.

Радуйся, по Бозе и Богородице, все наше упование.

Радуйся, телес наших здравие и душ спасение.

Радуйся, яко тобою от вечныя смерти свобождаемся.

Радуйся, яко тобою безконечныя жизни сподобляемся.

Радуйся, Николае, великий Чудотворче.

О пресвятый и пречудный отче Николае, утешение всех скорбящих, нынешнее наше приими приношение, и от геенны избавитися нам Господа умоли, богоприятным Твоим ходатайством, да с тобою воспеваем: Аллилуиа.

О, всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози мне грешному и унылому в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми окаянному, умоли Господа Бога, всея твари Содетеля, избавити мя воздушных мытарств и вечнаго мучения: да всегда прославляю Отца и Сына и Святаго Духа, и твое милостивное предстательство, ныне и присно и во веки веков. Аминь.

Преподобный Серафим Саровский родился 19 июля 1759 (по другим данным – 1754) года в древнем Курске, в именитой купеческой семье Исидора и Агафии Мошниных. Во Святом Крещении был наречен Прохором в честь апостола от семидесяти и одного из первых семи диаконов Христовой Церкви. Родители его, занимавшиеся строительством каменных зданий и храмов, были людьми богоугодной жизни, отмеченной добродетелью и трудолюбием. Исидор Мошнин слыл чрезвычайно честным человеком, усердным к храмам Божиим и богатым, именитым купцом. За десять лет до своей смерти он взялся построить в Курске новый храм во имя преподобного Сергия, по плану знаменитого архитектора Растрелли. Впоследствии, в 1833 году, этот храм сделан был кафедральным собором. В 1752-м году состоялась закладка храма, и, когда нижняя церковь с престолом во имя преподобного Сергия была готова в 1762-м году, благочестивый строитель, отец великого старца Серафима, основателя Дивеевского монастыря, скончался. Передав все состояние свое доброй и умной жене Агафии, он поручил ей довести дело построения храма до конца.