Пришедшю же времяни рожения, роди благочестивая княгини; 40 днемъ минувшим, несено бысть детище доилицею в храм Господень, яко да сътворятъ по обычею законному о нем, подобно приносящи Христу, истинному Богу нашему.

Егда же случашеся доилице ея вкусити мясъ, не приемляше дтищь млека ея, но бес пища пребываше весь день. Разуместа же родителя ея, заповедаста доилицы его не причаститися мясъ, поне же бысть благоволение се Божие и Того всенепорочныя Матере. Отдоену же бывшю детищу и егда приимати ему пищу, даяста ему хл6 и соль и мало овоща и воду на питие.

Крещена же бысть отроковица в честнеи обители Печеръскои, в преславнем храме Пресвятыя Богородица, изятель же еи бысть от святыя купели игумен Печерскии, и нареченно бысть еи имя Феодулии. Радовастася о неи родителя ея, ибо беяше весела к Богу и красна лицем и добра видом зело.

Благоверная же мати святыа отроковицы благочестива сущи и праведне живяше зело, и сию возведе смыслено и боголюбезне по реченным си явлением от Святыя Богородица. Въ един же убо от дни помышляше в себе отроковицы, что сия збудутся, яже реченна быша о неи, и не домысляшеся. Уснувши же виде себе крилату сущу и акы на высоту летящу, держащи же отроковицу и возносящи ю, и вдающи ю даръ Вышнему, и глаголаше: «О, чадо, благодарю аз Пресвятую Богородицу, зане обртох благодать аз в женахъ, еже отдати ми труды и болзни Господеви и Того рождьшеи всенепорочнеи Матере». И сия видвши, съблюдаше в сердцы своемъ.

Благочестивыи же великыи князь Михаил, отецъ ея, пребысть уча ю книгам и прочим премудростем; недостаточная же проучаше еи болярин его Феодор, б бо тои мудръ зело, учи бо ся от философ.

Лучижеся двица деснаго естества и молитвы плод, бывши еи уже 9 лт, и толма бысть любящи учение, яже чюдитися родителема ея о толице любы учении ея; чюдижеся и благоврныи болярин его Феодоръ о скором поучении еа и премудрости.

Всти же разшедшися повсюду о мудрости ея, и о мнозем учении ея, и о скором поучении ея и о телеснеи твари ея, бяше бо лпа отроковица велми, и красота ея многы на любовь приведе, яже пояти ю невсту сыномъ своим, и всм стужающим отцу ея, друг друга варити хотя и тщащимся имъ. Отвещеваше же отецъ еа, благочестивыи великии князь Михаилъ, рече к ним: «Воля Господня буди».

Въ времена же та бысть Суждальское княжение держащему благоврному великому князю Мине Иоановичю. Бысть же тъи благоврныи при всем благочестивъ, огребаяся от всякого зла, тъи един преодолвая всх саном и гордостию, величествия отечествия своего; род же его влечяшеся от варягъ, от Шимона князя Африкановичя, Африкан же б братъ Якуна слпаго, иже от златыа руды; род же их от Клавдия кесаря Римскаго; от того убо корене род Суждальскихъ князеи. Съи же преждереченныи князь Мина Суждальскыи умоли дарми великими родителя блаженныя отроковица вдати ю жен ему. И общася благоврныи князь Михаил, и взяша вры, еже по обычаю бываетъ.

По сих же изволи Господь, избравыи себе на службу прекрасную отроковицу, показа еи явление. И виде Господа нашего Исус Христа и люди праведныя с Ним, и неисповдимое преславное Господне пришествие и грозное и нелицемрное судище, и книгы животныя отверсты в руц Господни. И со востока раи и от запада езеро огненое искипая. Явижеся еи Святая Богородица и перстом кажа бесдоваше, глаголя: «Послушаи, чядо Феодулие, послушаи дщи праведных и разуми глаголы живота, покажи житие богоугодно, вожделеи радование праведных и царствующаго Бога предстояние, и бесконечныя жизни наслажение, раискыя пища избирая, вчныя мукы пламене избгая, всякия злобы не твори, и всм добродтелем предлежи, да всх лютых избыв, уготованных любящим Бога, вчныхъ благъ получиши». Сему же паче ума виднию показаему бывшю, вразумися отроковица божественым разумом о виднии бывшем, внимая и тщашеся исполнити глаголанная еи от Пресвятыя Богородица.

Малым же днем минувшим, виде отроковица другое видние: мужа в блых ризах, глаголюща еи: «Иди во слд Мене, амо же Азъ иду». И послдова явльшемуся еи. Тъи введе ю в Печерскии монастырь, и внидоста в церковь Пресвятыя Богородица и виде игумена с прочими черноризцы поюща всенощныя молитвы, и смотряше когождо их спшениа, и чюдяшеся житию их, глаголющи в себе: «Блажени человцы си, яко в житии сем суще, акы аггели суть, отсюду преступивше, вчную жизнь имут прияти». И в себе бывши, чюдяшеся виднию.

Въ дни же оны въ преименитем граде Суждале под стеною градною, акы вержениемъ камени, б монастырь во имя Пресвятыя Богородица, честныя и славныя Ея ризы положение иже Влахерне, в нем же б нкая стареишина черноризицамъ Елена, святолпным житием украшена сущи. Сия убо боголюбивая преже пришествия отроковицы вид различна откровения о неи, овогда убо отроковицу в белых ризахъ от святолпны жены и багряновидны ризу носящу, в монастырь приносящу; овогда же отроковицу летающу и над монастырь находящу; иногда вид ту же отроковицу ходящу на воздусе и к монастырю при ближающуся; и пакы мужи два черноризцы святолпными сединами украшены, вдающа еи отроковицу, глаголющи: «Приими сию отроковицу, ибо молитва на неи и благословение пребываетъ Антония и Феодосия Печерскых неотступно, яко духъ пророка Илии Елиси»; и пакы мужа белоризца показающа еи отроковицу и глаголюща к неи: «Сея ради спастися хощеши». Сия же игуменья с нею пребывающим сказоваше черноризицам.

И уже бывши блаженнеи отроковицы Феодулии 15 лт, и яко год бысть сочтати сию на брак прежереченному благоврному князю Мине Суждальскому. Родители же ея возвщают отроковицы сия. И отрицашеся сего блаженая, двьство красити желающе. Слышаше бо божественая писаниа, како похваляют двъ телеса чиста Богу представляющих. Святая та душа Богу яже о себе возложивши, и моляшеся со многими слезами Пресвятеи Богородицы извщению еи о предлежащих сподобитися. И явися еи Святая Богородица, глаголюще: «Прими, отроковице, заповдь Господню: чти отца и матере и не противися родителем своим, не прикоснет бо ти ся скверна мира сего, ни же сочтание обрученнаго ти, но Параклитом осняема будеши и в моеи обители девьственыхъ лицъ жилище имети имаши. Но иди скоро в Суждаль, аще ти сущи на пути грядущи, обрученныи ти к Господу отъидетъ, и не возвратися к родителем, да не ину ти нужю створят».