Смотри же, како ти въземлеть Фамара от Иуды залог, не мьзды хотящи, но мнящи, яко ту абие от совокуплениа и дтородиа украдет. Ти аще бы сего залога не взяла, то смертию бы от Иуды осуждена бывши умерла, не бы бо вровал Иуда словесем ея, яко от него зача въ чрв. Но вижь, како ти посылаеть к нему глаголющи: «Чий есть залог си». И познавъ Иуда перьстень свой, и гривну, и жезлъ, рече: «Очистися Фамара» и, осудивый ю прежде смертию, слыша, яко согрши, увидвъ же пакы свое совокупление, уже оправдаеть ю и очищаеть, зане не да ея Силому своему.

Грху бо и осуждению послдуеть смерть,[19] правд же и очищению послдуеть живот. Того ради Фамара оправдася. И тако, заченши, роди плод, образ Закону и Благодати, Зару и Фареса. И бысть егда приближися время рождению ея, Зара прежде выложи руку. Ждющаа исхожедениа ея повяза тому червлену вервь на руку, таче оному руку вовлекши, таче изыде Фаресъ,[20] среда бо есть Фарес преже бывших благочестию и хотящих быти Благодати. Почто же Зара вложи ру[ку], преже да же не изыде Фарес? Не якоже ли образ бяше благочестию и Благодати? Тм же, руку извлек, показа благочестие, иже сотвори Авель, и Сифъ, и Енофъ, Ной же, и Авраамь. Червленая же вервь образ бяше кровий приносимых жертвъ тми яже к Богу. И тако рукою показавъ: пржняя отдавает Закону изыти преже, рекше, Фаресу; таче изыде Зара. Сию образ бяше, та провозвстила двоихь люди, Фарес убо — израильскых, Зара же — иже от языкъ.

И виждь, како ти оправдается Иуда и Фамара яко не прелюбодйства ради се створи или уставити хотяще разгорние похоти. Аще бы сего похотла, не бы поискала Иуды, многим мимоходящим. Но от того племене похот разршити узы своего бещадиа. Аще ли бы тоа плод от мнимыа скверненыя тоя нечистыа похоти и безакониа былъ, кром смотрениа Божиа, то не бы и Богъ тоя плодом прообразовал великаго своего смотрениа тайну хотящую быти, но да сотворить обавление, якоже отбгшее и отползъшее естество и отвалившееся въ безаконныа сласти, приде его исцлить Христос, и тому бжащу, ять и, отдалившуся от Бога, и к себ, приближивь, его приведе.

Пишет бо евангелистъ: «Иуда роди Фареса и Зару от Фамары, Фаресъ же роди Есрома, Есром же роди Арама, Арамъ роди Аминодава, и Аминодавъ роди Насона, Насон роди Салмона, Салмон роди Вооза от Рахавы, Воозъ роди Овида от Руфы, Овидъ роди Иессеа, Иессеа роди Давыда царя».[21] Матфй и Лука, чистаа евангелиста, яв показаста, яко от Давыдова племене единочадое Слово Божие родися, от чистыа Девица, Христос Богъ нашь. Матфй убо от Давыда Соломоном сводить Иосифа, обручника Мариина, Лука же — Нафою.[22] Иосифъ же от Давыдова исходя племене, правдивь сый, яко ему свдтелствуеть святое Евангелие, да не бы чресъ закон святую Деву обрт, привел, аще не бы от сего знамениа исходила.

Подобаеть же ны и се вдти, яко бяше закон: мужу умершу, сего брату умершаго жену его пояти себ жен и воставити племя брату своему; да убо видим: еже по естеству втораго рожешаго бяше, по закону же — умершаго. И от пленица убо Нафовы, сына Давыдова, Левгия роди Мелхию и Панфира, а Панфиръ роди Варпаифира, сице ся зовуще, Варпаифиръ роди Акима, Аким роди святую Богородицю. А от пленица Соломоновы, сына Давыдова, Матфанъ им жену, от неаже роди Иакова; умершю же Матфану, Мелхий, от колна Нафова, сынъ Левгиинъ, братъ Панфиров, поять жену Матфаню, а матерь Ияковлю. И роди Ильа и быста единоматерьца Иаков же и Илиа, Иаковъ от колна Соломонова, и Ильа от колна Нафова. Умре же Илий без дтища, и поятъ Иаков, братъ его, иже от колна Соломонова, жену его, ти въставит смя брату своему, и роди Иосифа, да Иосиф есть естеством сынъ Ияковль, по закону же — Ильинъ, иже от Нафы. Иаким же чистую и хвалы достойну Анну поятъ жен, от неяже родися пречистаа девица, владычице наша Богородица и присно деваа Мариа, от Давыда племене сводима, от неяже родися истинный Христос Богъ наш. То аще Мариа от Давыда, яв и Христос от Давыда племене есть; то аще от Давыдова племене есть, то аще от Давыдова, то и от Фареса; аще ли же от Фареса, то воистинну от Июдина колена восия Господь нашь, якоже и святое Евангелие глаголеть. Аполинариево безумство[23] стыдится глаголати о совершенмь и воплощении и въ человечьнмъ истоваго нашего спасениа якоже видти стыдящася и мняща: грх есть прилагати къ Спасу Христу. И сему без грха на се пришедшу,[24] и приимьшу рабий образ,[25] и на угашение грховныа силы въчеловечишася, всяко бо: идже Богъ, то нсть грха, то чим может осквернити скверныи бо ино развий грха. Сего ради самовидьци мнози и работници Христови бывше съ всм дерзновением повдаша, плотнаго ради ничтоже мнимаго хулна не пытающе, и тми наказающе.

Друзии же се хулно мнят, поминають же Зару и Фареса и глаголют, яко от прелюбоданиа рождешися. Не бо от прелюбодйства родистася, но по смотрению Божию. Егда без совокуплениа бяше Фамара, посягши за перваго сына Иудина, таче — за втораго? Уне бо ей тогда зачати въ чрев, нежели от единаго того съвокуплениа Иудина. Но тогда узу бесчадиа носящии во чрев въ ча[до]родя мсто. Се же от единаго смса уза бесчадиа ради разршися, и тако, заченши, роди богознаменитый тъ плод, Богъ бо — огнь, поядая[26] и очищаа грхы.[27] Тогда бо в завт, еже къ Аврааму, дйствоваше Богъ, тми прообразова хотящаа быти.

Аще ли же вся законнаа потязати хощем, то убо от обоюнадесяте патреарху нкыа осудити хощем, яко и тхь матери не вся законным браком съ Иаковом съмсишася, точию Лия и Рахаль по преданию отчю. То аще та вся потязаем и судим, то и сами прочие бози хощем быти. Аще бо «Господь оправдая, то кто осуждаа».[28] Пакы иже по лтхь и по род мноз възниче Моисий, иже и боговидниа на Синайстй гор сподобися, емуже прдлагает Богъ Закон написанъ на скрижалх каменых, людем израилевомъ под Законом повелваа быти. Преспвшу же Закону, уже преста завтное многоженство и единоя жены сочетание узаконися. Закон бо упраздни Завта. Благодать бо упраздни обое, завтное и законное, солнцу въсиавшу. Нужа есть всему миру пребывати под мраком, но освтитися подобает прсвтлами лучами.

Тако и Христу, Богу нашему, солнцу праведному и озарившу нас божествеными зарями и освтившу нас святым крещениемь, и «се вся ветхаа низпадоша, и быша вся нова».[29] И уже не тснится в Закон человечьство, нъ въ Благодати пространно ходит. Законнаа бо вся стнь подаша и образ бяху будущих, а не сама та истинна.

За умножение же словесъ не оставлю сказати о блаженнй Руф, яко и та потязана есть. Яже не потязаеть Божествное Писание, но и блажить, яко не прежде законнаго брака сочетася съ Вузом, но посагши законн, вдова сущи, моявитяныни, и тако, заченши, породи Овида, дда славьному царю Давыду.[30] Но да заградятся уста глаголющимь на Бога неправду. Тъй бо славный богоотець и пророкь глаголеть, «яко ни от въсхода, ни от запада, ни от пустъ горъ, яко Богъ судии есть и сего смряет, а сего возъносит. Чаша бо, — рече, — в руц Господни вина нерастворена исполнена есть растворениа».[31] «И кто бо, — рече Писание, — ислдить умъ Господень или кто бысть съвтникъ ему».[32] «Тъ бо взят грхи наша и безакониа наша тъ бо понесе; сего раною мы вси ицлхом»,[33] но обаче не обрменися прегршении нашими, яко глаголют нции, ихже конець — стнаа пагуба, но паче сам облегчи от бремен тяжькых хребетъ нашь. Богъ бо ревнивь сый, не дасть славы своея иному, укланяющаяся от него въ разньствие, поженеть съ творящими безаконие. Нсть бо неправды у Бога, реку же, ни будет. Испытает сердца и утробы,[34] яко Богъ есть праведень.[35]