Человека согрешающего и кающегося предпочитаю человеку не согрешающему и не кающемуся. Первый имеет мысль благую, признавая себя грешным, а второй имеет мысль ложную и душепагубную, признавая себя праведным.

Бесовское коварство и дело – внушать нам отчаяние после того, как они [бесы] вовлекут нас в грех, чтоб отчаянием погубить нас окончательно. Если бесы говорят о душе: когда умрет и погибнет имя его? [206] — то душа, если она пребывает во внимании и трезвении, отвечает им следующими словами: Не умру, но жив буду, и поеем [возвещу] дела Господня [207] .

Не будем мы наказаны в будущем веке за то, что грешили, и не будем осуждены по сей причине, поскольку получили естество изменчивое и непостоянное; но за то [будем осуждены], что, согрешив, не покаялись и не обратились от злого пути к Господу, получив власть и время имея на покаяние. Бог благ и милосерд к кающимся; хотя изображается Он угрожающим и гневающимся, но это – на зло и грех, а не на нас, которых всегда готов принять, коль скоро увидит слезу сокрушения на лице нашем.

Верую, что Бог причислит к мученикам того человека, который благим произволением предается деланию плача: пролияние слез Бог примет от него, как пролияние крови.

Во исповедание грешника

Творение Евфимия монаха [211]

глас 6 Песнь 1

Ирмо́с : Яко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Богу побе́дную песнь пои́м, вопия́ше.

Припев : Пресвята́я Богоро́дице, спаси́ нас.

Ка́ко воспла́чу житие́ мое́ скве́рное и мно́жества, Влады́чице, безме́рных мои́х зол? Что же да возвещу́ Ти, Чи́стая, недоумева́ю и бою́ся; но помози́ ми.

Припев : Пресвятая Богородице, спаси нас.

Отку́ду начну́ глаго́лати лука́вая и лю́тая моя́ прегреше́ния окая́нный аз? Увы́ мне, что бу́ду про́чее? Но, Влады́чице, и мене́ пре́жде конца́ уще́дри.

Припев: Пресвятая Богородице, спаси нас.

Вся́кий путь преходи́в грехо́в, Пречи́стая, спаси́тельную стезю́ ника́коже обрето́х; но к Тебе́ притека́ю, Блага́я, не пре́зри от души́ ка́ющагося мене́.

Слава : Сме́рти у́бо час вы́ну помышля́ю, Всепречи́стая, и Суди́ще Стра́шное, обы́чаем же весьма́ зол прельща́юся лю́те; но помози́ ми.

И ныне : Благи́х тли́тель ны́не мя зря на́га отвоева́нна и дале́че от Бо́га бы́вша Боже́ственных доброде́телей, пожре́ти мя устремля́ется; Влады́чице, предвари́.

Песнь 3

Ирмос : Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.

Припев : Пресвятая Богородице, спаси нас.

Ду́шу оскверни́х сту́дно, Влады́чице Богоро́дице, от безме́рных прегреше́ний окая́нный аз, и ка́мо про́чее пойду́, отча́янием весь содержи́м?

Припев : Пресвятая Богородице, спаси нас.

Еже по о́бразу Твоему́, Чи́стая, оскверни́х, увы́ мне, высокому́дренною мы́слию окая́нный аз, и ка́мо про́чее пойду́? Но потщи́ся, Де́во, помози́ ми.

Слава : Несть весьма́ в челове́цех, и́же беззако́нная соде́яв нечистоты́ лю́тыя, рожде́йся в житии́, я́коже аз, Блага́я: Боже́ственное бо креще́ние оскверни́х.

И ныне : В коне́ц достиго́х зол, Пречи́стая Де́во, Ты помози́ вско́ре; и́бо не́бо и земля́ вопию́т го́рько безме́рных дея́ний безме́стная.

Песнь 4

Ирмос : Христо́с моя́ си́ла, Бог и Госпо́дь, честна́я Це́рковь боголе́пно пое́т, взыва́ющи от смы́сла чи́ста, о Го́споде пра́зднующи.

Припев : Пресвятая Богородице, спаси нас.

Ангельстии чи́нове и во́инства, Небе́сныя Си́лы Твоего́ Сы́на ужаса́ются держа́вы, Чи́стая, ны́не же аз отча́явся безстра́шием обдержу́ся.

Припев : Пресвятая Богородице, спаси нас.

Удиви́ся вся земля́ и ужасе́ся, зря́щи лю́то же и лука́во де́юща безме́стная, и Сы́на Твоего́ мно́гому благоутро́бию удивля́ющагося.

Слава : Храм оскверни́х зле теле́сный и храм Госпо́день, в о́ньже челове́цы трепе́щуще вхо́дят, аз же, увы́ мне, безсту́дно вхожду́, блу́дный.

И ныне : Да не пока́жеши, Влады́чице, да не пока́жеши стра́нна мя, устрани́вшагося от покро́ва Твоего́ Сы́на весьма́, и недосто́йна; но омы́й мене́ от скве́рны прегреше́ний мои́х.

Песнь 5

Ирмос : Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, и́стиннаго Бога, от мра́ка грехо́внаго взыва́юща.

Припев : Пресвятая Богородице, спаси нас.

Ада́м преступи́ у́бо за́поведь еди́ну Твоего́, Де́во, Сы́на и изгна́нию подпаде́; ка́ко же воспла́чу мои́х прегреше́ний бе́здну аз, отсту́пник и престу́пник Бо́жий?

Припев : Пресвятая Богородице, спаси нас.

Тли́тель у́бо дре́вле яви́вся и братоуби́йца Ка́ин, пре́жде от Бо́га прокля́ся, что же сотворю́ и аз, вседе́рзый? Ду́шу бо уби́вый ны́не не стыж`у́ся.

Слава : Иса́ву поревнова́в лю́тому во чревобе́сии и сла́дости, ду́шу и те́ло оскверни́х пиа́нством и нечистото́ю окаля́вый житие́ мое́; и кто про́чее не воспла́чет мене́ окая́ннаго?

И ныне : Боже́ственным Твои́м све́том, Блага́я, исцели́ стра́сти души́ моея́, я́же тли́тель мне возсе́я; изба́ви мя сего́ плене́ния го́рькаго: смее́тся бо, ви́дя мя ны́не не предста́тельствуема.

Песнь 6

Ирмос : Жите́йское мо́ре воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Припев : Пресвятая Богородице, спаси нас.

Житие́ мое́ блу́дное, душа́ моя́ скве́рная и живо́т всеокая́нный, те́ло же мое́ все в злых лю́то оскверни́х; те́мже потщи́ся, Де́во, и помози́ ми.

Припев : Пресвятая Богородице, спаси нас.

Коне́ц наста́, и не терплю́, Блага́я, со́весть облича́ет мя: представля́ет бо мне дея́ния лука́вая, и житие́ непостоя́нное, и Суди́ща бою́ся Сы́на Твоего́, Чи́стая.

Слава : Пло́ти моея́ ослепле́ние река́ о́гненная, стра́шная и негаси́мая ожида́ет, Пречи́стая, вои́стину и червь нее усыпа́емый; но изба́ви мя сих моли́твами Твои́ми.

И ныне : С тре́петом содержу́ся и бою́ся, Блага́я, лука́ваго кова́рств: пре́жде конца́ бо скреже́щет на мя тли́тель зубы́, держа́й мя, я́ко пле́нника су́ща и на́га доброде́телей.